Прокимны, и аллилуарии общие святым:

Служба Пресвятей Богородице:

Прокимен, глас 3. Песнь Богородицы: Вели́чит душа́ Моя́ Го́спода, / и возра́довася дух Мой о Бо́зе Спа́се Мое́м.

Стих: Я́ко призре́ на смире́ние рабы́ Своея́, се бо от ны́не ублажа́т Мя вси ро́ди.

Прокимен величит душа моя Господа

Другой:

Прокимен, глас 6: Помяну́ и́мя Твое́ / во вся́ком ро́де и ро́де.

Стих: Слы́ши, Дщи, и виждь, и приклони́ у́хо Твое́.

Прокимен помяну имя твое

Апостол к филипписием, зачало 240. Другий ко евреем, зачало 320.

Аллилуиа, глас 8: Слы́ши дщи и виждь, и приклони́ у́хо Твое́.

Стих: Лицу́ Твоему́ помо́лятся бога́тии лю́дстии.

Стих: Кля́тся Госпо́дь Дави́ду и́стиною, и не отве́ржется ея́.

Служба святым Небесным Безплотным Силам:

Прокимен, глас 4: Творя́й А́нгелы Своя́ ду́хи, / и слуги́ Своя́ пла́мень о́гненный.

Стих: Благослови́, душе́ моя́, Го́спода, Го́споди Бо́же мой, возвели́чился еси́ зело́.

Прокимен творяй ангелы своя духи

Апостол ко евреем, зачало 305.

Аллилуиа, глас 5: Хвали́те Го́спода вси А́нгели Его́, хвали́те Его́ вся Си́лы Его́.

Стих: Я́ко Той рече́, и бы́ша: Той повеле́, и созда́шася.

Служба святым пророком:

Прокимен, глас 4: Ты иере́й во век / по чи́ну Мелхиседе́кову.

Стих: Рече́ Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие ног Твои́х.

Прокимен ты еси иерей по чину

Апостол к коринфяном, зачало 156. Другий ко евреем, зачало 314.

Третий от соборнаго послания Иаковля, зачало 57.

Аллилуиа, глас 5: Моисе́й и Ааро́н во иере́ех Его́, и Саму́ил в призыва́ющих и́мя Его́.

Стих: Свет возсия́ пра́веднику, и пра́вым се́рдцем весе́лие.

Служба святым Апостолом:

Прокимен, глас 8: Во всю зе́млю изы́де веща́ние их, / и в концы́ вселе́нныя глаго́лы их.

Стих: Небеса́ пове́дают сла́ву Бо́жию, творе́ние же руку́ Его́ возвеща́ет твердь.

Прокимен во всю землю изыде вещание их

Апостол к коринфяном, зачало 131.

Аллилуиа, глас 1: Испове́дят небеса́ чудеса́ Твоя́ Го́споди, и́бо и́стину Твою́ в це́ркви святы́х. 

Стих: Бог прославля́емь в сове́те святы́х.

Служба святителю единому:

Прокимен, глас 1: Уста́ моя́ возглаго́лют прему́дрость, / и поуче́ние се́рдца моего́ ра́зум. 

Стих: Услы́шите сия́ вси язы́цы, внуши́те вси живу́щии по вселе́нней.

Прокимен уста моя возглаголят премудрость

Апостол ко евреем, зачало 318.

Аллилуиа, глас 2: Уста́ пра́веднаго поуча́тся прему́дрости, и язы́к его́ возглаго́лет суд.

Стих: Зако́н Бо́га его́ в се́рдце его́, и не за́пнутся стопы́ его́.

Служба святителей:

Прокимен, глас 7: Честна́ пред Го́сподем / смерть преподо́бных Его́.

Стих: Что возда́м Го́сподеви о всех, я́же воздаде́ ми?

Прокимен честна пред господем

Апостол ко евреем, зачало 335.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

Служба преподобных, и Христа ради юродивых:

Прокимен, глас 7: Честна́ пред Го́сподем / смерть преподо́бных Его́.

Стих: Что возда́м Го́сподеви о всех, я́же воздаде́ ми?

Прокимен честна пред господем

Апостол к галатом, зачало 213.

Аллилуиа, глас 6: Блаже́н муж, боя́йся Го́спода, в за́поведех Его́ восхо́щет зело́.

Стих: Си́льно на земли́ бу́дет се́мя его́.

Служба мученика:

Прокимен, глас 7: Возвесели́тся пра́ведник о Го́споде, / и упова́ет на Него́.

Стих: Услы́ши, Бо́же, глас мой, внегда́ моли́ти ми ся к Тебе́.

Прокимен возвеселится праведник о господе

Апостол к Тимофею, зачало 292.

Аллилуиа, глас 4: Пра́ведник я́ко фи́никс процвете́т, я́ко кедр, и́же в Лива́не, умно́жится. 

Стих: Насажде́ни в дому́ Госпо́дни, во дво́рех Бо́га на́шего процвету́т.

Служба мучеников и бессребреников:

Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них. 

Стих: Предзре́х Го́спода пре́до мно́ю вы́ну, я́ко одесну́ю мене́ есть, да не подви́жуся.

Прокимен святым иже суть на земли его

Апостол мучеников: к римляном, зачало 99, или ко евреем, зачало 330.

Апостол бессребреников: к коринфяном, зачало 153.

Аллилуиа (мучеников), глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их.

Стих: Мно́ги ско́рби пра́ведным, и от всех их изба́вит я́ Госпо́дь.

Аллилуиа (бессребреников), глас 2: Се что добро́, или́ что красно́, но е́же жи́ти бра́тии вку́пе?

Служба священномученика:

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х.

Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Прокимен восхвалятся преподобнии во славе

Апостол ко евреем, зачало 334.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

Служба священномучеников:

Прокимен, глас 7: Честна́ пред Го́сподем / смерть преподо́бных Его́.

Стих: Что возда́м Го́сподеви о всех, я́же воздаде́ ми?

Прокимен честна пред господем

Апостол ко евреем, зачало 318, или к филипписием, зачало 246.

Аллилуиа, глас 2: Свяще́нницы Твои́ облеку́тся в пра́вду, и преподо́бнии Твои́ возра́дуются.

Служба преподобномучеников и исповедников:

Прокимен, глас 7: Восхва́лятся преподо́бнии во сла́ве, / и возра́дуются на ло́жах свои́х.

Стих: Воспо́йте Го́сподеви песнь но́ву, хвале́ние Его́ в це́ркви преподо́бных.

Прокимен восхвалятся преподобнии во славе

Апостол преподобномученика единаго: к Тимофею, зачало 291.

Преподобномучеником: апостол к римляном, зачало 99.

Апостол исповедников: ко ефесеем, зачало 233.

Аллилуиа, глас 6: Блаже́н муж, боя́йся Го́спода, в за́поведех Его́ восхо́щет зело́.

Стих: Си́льно на земли́ бу́дет се́мя его́.

Служба святых мучениц и преподобных жен:

Прокимен, глас 4: Ди́вен Бог во святы́х Свои́х, / Бог Изра́илев.

Стих: В це́рквах благослови́те Бо́га, Го́спода от исто́чник Изра́илевых.

Прокимен дивен бог во святых своих

Апостол мучениц: к коринфяном, зачало 181. Другий к галатом, зачало 208.

Апостол преподобных жен: к галатом, зачало 208.

Аллилуиа, глас 1: Терпя́ потерпе́х Го́спода, и внят ми и услы́ша моли́тву мою́.

Служба за успоших:

Прокимен, глас 6: Ду́ши их / во благи́х водворя́тся.

Стих: К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век.

Прокимен души их в благих

Аллилуиа, глас 8: Блаже́ни я́же избра́л и прия́л еси́, Го́споди.

Стих: И па́мять их в род и род.

Видео-записи хоровых репетиций: П.Г. Чесноков, Херувимская "Софрониевская": часть 1, часть 2, часть 3. П.Ф. Распопов, "Единородный Сыне": часть 1, часть 2, часть 3. "Во Царствии" знаменное, "Благослови душе" С.В. Рахманинов: часть 1, часть 2, часть 3. С.В. Рахманинов "Благослови, душе моя, Господа" из Литургии: часть 1, часть 2, часть 3. "Достойно есть" царя Феодора: часть 1, часть 2, часть 3. "Милость мира" знаменный распев, гармонизация арх. Матфея: часть 1, часть 2, часть 3, часть 4, часть 5. Приглашаем в хор! Подробнее ЗДЕСЬ.

Animation.gif
Animation.gif

Регентские курсы Колобанова А.В.
+7 (926) 100-29-25

Основаны в 2012 году.

Сотрудничество

Ваша информация на нашем сайте

ИП Колобанов Алексей Владимирович.

ИНН: 771674008851

ОГРНИП: 317774600388127

ОКВЭД: 85.41

Ищем дополнительные учебные помещения для аренды.
С предложениями пишите или звоните.